સ્ક્રીન ઍવૉર્ડ્સમાં અમિતાભના નમસ્કારે રેખાનું સ્મિત!

Published: Thursday, January 16, 2014, 11:04 [IST]

મુંબઈ, 16 જાન્યુઆરી : હા જી... આમ જ થયું બુધવારે. જેમ સ્ક્રીન ઍવૉર્ડ્સ સમારંભની તસવીરો આઉટ થઈ અને અમિતાભ-રેખાના નમસ્કાર વાળી તસવીર સામે આવી કે તરત જ મીડિયામાં આ તસવીર સાથેના સમાચાર હૅડલાઇન બની ગયાં. દરેક મોટી ન્યુઝ ચૅનલે પોતાની પાંચમાંથી એક હૅડલાઇન અમિતાભ-રેખાને જ બનાવી. જોકે આ સમાચાર હતા પણ હૅડલાઇન લાયક, કારણ કે એવું પૂરા 33 વરસ બાદ થયું છે કે અમિતાભ-રેખા કોઈ જાહેર મંચ ઉપર સામ-સામે આવ્યાં અને સ્મિત ફરકાવતાં એક-બીજાને નમસ્કાર કર્યાં હોય.

હકીકતમાં ગત 14મી જાન્યુઆરીએ યોજાયેલ સ્ક્રીન ઍવૉર્ડ્સ સમારંભમાં અમિતાભ બચ્ચન પોતાના પત્ની જયા બચ્ચન અને પુત્ર અભિષેક બચ્ચન સાથે પહોંચ્યા હતાં. આ સમારંભમાં અમિતાભે રેખાને હાથ જોડી નમસ્કાર કર્યાં અને તેના જવાબમાં રેખાએ ખૂબ જ અદા સાથે સ્મિત ફરકાવ્યું. એટલું જ નહીં, સમારંભમાં રેખા-જયા ભેંટતા પણ દેખાયાં. આ દૃશ્ય જોઈ સૌ આશ્ચર્યમાં મૂકાઈ ગયાં.

હાલ તો આવું કેમ થયું, એ જ વિચારવા જેવી બાબત છે, પણ એટલું તો નક્કી છે કે આપણે ત્યાં અમિતાભ-રેખા સાથે જોડાયેલી દરેક બાબત લોકો વાંચવા અને સમજવા માંગે છે. જોઇએ આ સિલસિલો આગળ વધશે કે પછી અહીં જ થંભી જશે. નોંધનીય છે કે રેખા અને અમિતાભ બચ્ચન એવી જોડી છે કે જેણે ગંગા કી સૌગંધ, ખૂન પસીના, મિ નટવરલાલ, સુહાગ, મુકદ્દર કા સિકંદર અને છેલ્લે સિલસિલા જેવી હિટ ફિલ્મો આપી છે. યશ ચોપરા દિગ્દર્શિત સિલસિલા પછી આ જોડીનો સિલસિલો તુટી પડ્યો.

આવો તસવીરો વડે જોઇએ અમિતાભ-રેખા-જયાનો પ્રણય ત્રિકોણ :

તેત્રીસ વર્ષ બાદ

ગત ઉત્તરાયણના દિવસે એટલે કે 14મી જાન્યુઆરીએ યોજાયેલ સ્ક્રીન ઍવૉર્ડ્સમાં અમિતાભ બચ્ચને રેખાને નમસ્કાર કર્યાં, તો રેખાએ જવાબમાં સ્મિત ફરકાવ્યું. જયા બચ્ચન પણ રેખાને ભેંટ્યાં. આવુ તેત્રીસ વર્ષ બાદ થયું છે.