ICSE ISC Results 2024: આઈસીએસઈ -આઈએસસીના 10માં, 12માં ધોરણનુ પરિણામ જાહેર, આ રીતે કરો ચેક

Published: Monday, May 6, 2024, 11:59 [IST]

ICSE 10th, 12th Board Exams 2024: કાઉન્સિલ ફૉર ધ ઈન્ડિયન સ્કૂલ સર્ટિફિકેટ એક્ઝામિનેશન (CISCE) એ આજે સોમવારે (06 મે) સવારે 11 વાગ્યે ધોરણ 10 અને 12ના પરિણામો જાહેર કર્યા છે. વિદ્યાર્થીઓ CISCE ની સત્તાવાર વેબસાઇટ cisce.org પર પરિણામ જોઈ શકે છે.

આ વર્ષે કુલ 99.47 ટકા વિદ્યાર્થીઓએ CISCE 10મું ધોરણ પાસ કર્યું છે. જ્યારે ધોરણ 12માં 98.15 ટકા વિદ્યાર્થીઓ પાસ થયા છે. બોર્ડે કહ્યું છે કે આ પરિણામમાં પણ છોકરાઓ કરતા છોકરીઓનું પ્રદર્શન સારું છે.

ICSE બોર્ડે cisce.org પર ICSE પરિણામ 2024 લિંક અને ISC પરિણામ 2024 લિંક સક્રિય કરી છે. પરિણામો જાહેર કરવાની સાથે, ICSE બોર્ડે cisce.org પરિણામો પર ટોપર્સ લિસ્ટ 2024, પાસની ટકાવારી સહિતની દરેક માહિતી આપી છે.

ISC Result 2024: ISC 10 અને 12 ની માર્કશીટ કેવી રીતે ડાઉનલોડ કરવી?

પરિણામ જોવા માટે, તમારે પહેલા સત્તાવાર વેબસાઇટ results.cisce.org પર જવું પડશે. વેબસાઇટની મુલાકાત લીધા પછી, તમે 10મા અને 12માના પરિણામો માટે અલગ-અલગ લિંક્સ જોશો.
લિંક પર ક્લિક કરો અને રોલ નંબર અને કોડ સહિતની જરૂરી વિગતો ભરો. આ પછી પરિણામ તમારી સ્ક્રીન પર આવશે. ભવિષ્યના ઉપયોગ માટે સાચવો અથવા ડાઉનલોડ કરો.
આ સિવાય તમે DigiLocker પરથી ISC પરિણામ અને માર્કશીટ ઓનલાઈન ડાઉનલોડ કરી શકો છો.
આ માટે તમારે results.digilocker.gov.in પર જવું પડશે.

Published On May 6, 2024