Hina Khan Breast Cancer : બ્રેસ્ટ કેન્સરના કારણે વર્ષે અધધ આટલી મહિલાઓ જીવ ગુમાવે છે, ખૌફનાક છે આંકડા

Hina Khan Breast Cancer : હાલમાં જ હિના ખાને બ્રેસ્ટ કેન્સરને લઈને ખુલાસો કરીને આ ચર્ચા ફરીથી છેડી છે. તમને જાણીને નવાઈ લાગશે કે ભારત સહિત દુનિયાભરમાં બ્રેસ્ટ કેન્સરના કારણે લાખો મહિલાઓના મોત થાય છે.

હિના ખાને બ્રેસ્ટ કેન્સર વિશે તેના ફેન્સને જણાવ્યુ છે કે, તે આ દિવસોમાં બ્રેસ્ટ કેન્સર સામે ઝઝૂમી રહી છે અને બ્રેસ્ટ કેન્સરના ત્રીજા સ્ટેજમાં છે. હાલ સારવાર શરૂ કરવામાં આવી છે.

બ્રેસ્ટ કેન્સર ભારત સહિત સમગ્ર વિશ્વ માટે આ ગંભીર સમસ્યા તરીકે ઉભરી આવી છે. એપ્રિલ 2023 સુધીમાં વિશ્વ આરોગ્ય સંસ્થા અને વિવિધ કેન્સર સંશોધન એજન્સીઓના ડેટા અનુસાર, સ્તન કેન્સર એ વિશ્વભરમાં સ્ત્રીઓમાં સૌથી સામાન્ય કેન્સર છે.

આ ઉપરાંત તે વિશ્વભરમાં કેન્સરને કારણે મોટાભાગની મહિલાઓના મૃત્યુનું કારણ છે. વૈશ્વિક સ્તરે, લગભગ 12% સ્ત્રીઓ તેમના જીવનકાળ દરમિયાન સ્તન કેન્સરથી પીડાય છે. આ સિવાય જો ભારતની વાત કરીએ તો છેલ્લા કેટલાક દાયકાઓમાં આપણા દેશમાં બ્રેસ્ટ કેન્સરના કેસમાં ઝડપથી વધારો થયો છે.

સ્તન કેન્સર ભારતીય મહિલાઓમાં સૌથી સામાન્ય કેન્સર છે. ભારતમાં દર વર્ષે અંદાજે 1.5 થી 2 લાખ નવા કેસ નોંધાય છે. મૃત્યુદર પર નજર કરીએ તો ભારતમાં દર વર્ષે લગભગ 25% મહિલાઓ સ્તન કેન્સરને કારણે મૃત્યુ પામે છે, વર્ષ 2020માં વિશ્વભરમાં 6,85,000 મહિલાઓ સ્તન કેન્સરને કારણે મૃત્યુ પામી હતી.

એક અંદાજ મુજબ દર વર્ષે સમગ્ર વિશ્વમાં લગભગ સ્તન કેન્સરને કારણે 10 લાખ મૃત્યુ નોંધાઈ રહ્યા છે. એપોલો હોસ્પિટલનો હેલ્થ ઓફ નેશન રિપોર્ટ વર્લ્ડ હેલ્થ ડે 2024 પર બહાર પાડવામાં આવ્યો હતો. આ અહેવાલની ચોથી આવૃત્તિ બહાર પાડવામાં આવી હતી. તેણે ભારતને વિશ્વની કેન્સરની રાજધાની ગણાવી છે.

સ્તન કેન્સર ભારતીય મહિલાઓમાં સૌથી સામાન્ય કેન્સર હોવાનું કહેવાય છે, ત્યારબાદ સર્વાઇકલ કેન્સર અને અંડાશયનું કેન્સર છે. આ સિવાય પ્રારંભિક તબક્કામાં સ્તન કેન્સર પણ સામાન્ય બની રહ્યું છે. મહિલાઓમાં તેની ઘટનાઓ દર વર્ષે લગભગ 4% વધી રહી છે.

English summary

Hina Khan Breast Cancer : So many women lose their lives every year due to breast cancer