જાણો શું છે મુકેશ અંબાણી અને નીતા અંબાણીની સેલરી?

Published: Tuesday, May 26, 2015, 12:50 [IST]

જો તમે સાત વર્ષથી કોઇ જગ્યાએ નોકરી કરતા હોવ અને છેલ્લા સાત વર્ષમાં તમને ક્યારેય સેલરી હાઇક ના મળી હોય તો દુખી ના થતા કારણ કે તમારી અને મુકેશ અંબાણીની સ્થિતિ એક જેવી જ છે. મુકેશ અંબાણીને પણ રિલાયન્સ કંપનીના ચેરમેન હોવા છતા છેલ્લા સાત વર્ષથી હાઇક નથી મળી.

જો કે તે વાત અલગ છે કે મુકેશ અંબાણીનો પગાર આપણા બધાના પગાર કરતા થોડોક વધુ પડતો, વધારે છે. શું તમને ખબર છે મુકેશ અંબાણીની સેલરી કેટલી છે? રિલાયન્સ ઇન્ડસ્ટ્રીના માલિક અને દુનિયાના પૈસાદાર વ્યક્તિ એવા મુકેશ અંબાણીની વાર્ષિક આવક છે 15 કરોડ રૂપિયા.

આજે અમે તમને રિલાયન્સ કંપનીમાં કામ કરતા ઉચ્ચ પદાધિકારીઓ જેવા કે નીતા અંબાણી, મુકેશ અંબાણી, તેના ડાયરેક્ટર પી એસ.એમ પ્રસાદની સેલરી વિષે જણાવીશું. આ અહેવાલ અમે રિલાયન્સ ઇન્ડસ્ટ્રીના વાર્ષિક રિપોર્ટ મુજબ તૈયાર કર્યો છે. તો જાણો રિલાયન્સ કંપનીના કર્તાધર્તાઓ કેટલી કમાણી કરે છે. જુઓ આ ફોટોસ્લાઇડર...

નો સેલરી હાઇક

પાછલા સાત વર્ષથી રિલાયન્સ કંપનીના ચેરમેન અને 20.2 બિલિયન ડોલરની સંપત્તિના માલિક એવા મુકેશ અંબાણીને સેલરી હાઇક નથી મળી. તેમના પગાર છેલ્લા સાત વર્ષથી 15 કરોડ રૂપિયા જ છે.

કંપનીનો ફાયદો

જો કે રિલાયન્સ ઇન્ડસ્ટ્રીની માર્કેટ કેપ 290,245.66 કરોડ છે. પણ કંપનીના સીઇઓ તેમાંથી પોતાનો હિસ્સો નથી વધાર્યો. જો કે તે વાત પણ એટલી જ સાચી છે કે મુકેશ અંબાણીની પાંચેય આંગળીઓ ઘીમાં છે.

TCSના CEOનો પગાર

જો કે તેવું નથી કે અન્ય કંપનીના સીઇઓ પોતાના હિસ્સો નથી લેતા. ટીસીએસની માર્કેટ કેપ 500,974.06 કરોડ છે. અને તેના સીઇઓ એચ. ચંદ્રશેખરની સેલેરી 18.18 કરોડ રૂપિયા છે.