1.61 અરબ લોકો કરે છે સોશિયલ નેટવર્કનો ઉપયોગ: સર્વે

By Kumar Dushyant

Updated: Wednesday, November 20, 2013, 12:38 [IST]

વોશિંગ્ટન, 20 નવેમ્બર: એક રિસર્ચ અનુસાર આ વર્ષે લગભગ 1.61 અરબ લોકો દ્વારા સોશિયલ નેટવર્કિંગ સાઇટનો ઉપયોગ કરવાનું અનુમાન છે. રિસર્ચ સંસ્થા ઇ-માર્કેટરના અનુસાર દુનિયાના દર પાંચમા વ્યક્તિએ આ વર્ષે મહિનામાં એકવાર તેનો ઉપયોગ કર્યો છે.

રિસર્ચ અનુસાર તેનો ઉપયોગ કરનાર લોકોની સંખ્યા સતત વધતી જાય છે અને વર્ષ 2017 સુધી આ સંખ્યા 2.33 અરબ સુધી પહોંચી જશે એવી સંભાવના વ્યક્ત કરવામાં આવી રહી છે.

રિસર્ચ સંસ્થા, સરકારી એજન્સીઓ, મીડિયા સંસ્થા અને કંપની રિપોર્ટ અનુસાર કેનેડા (51.7 ટકા) અને બ્રિટન (50.2 ટકા) લોકો સોશિયલ નેટવર્કિંગ સાઇટનો ઉપયોગ કરે છે. સર્વેક્ષણમાં જણાવવામાં આવ્યું હતું કે 16.1 અરબનો આ આંકડો વિશ્વની અંદાજીત જનસંખ્યાનો 22 ટકા છે.

ઇ-માર્કેટરના અનુસાર રિપોર્ટમાં એ પણ કહેવામાં આવ્યું હતું કે ભારતમાં 37.4 ટકા વપરાશકર્તાની સાથે આ વર્ષે જોરદાર વધારો જોવા મળ્યો છે જો કે આ જનસંખ્યાના ફક્ત 7.7 ટકા લોકો જ સોશિયલ નેટવર્કિંગ સાઇટોનો ઉપયોગ કરી શકે છે. 28.7 ટકા વપરાશકર્તાની સાથે ઇન્ડોનેશિયાનું સ્થાન પણ વધી રહ્યું છે અને મેક્સિકોમાં 21.1 ટકાનો વધારો નોંધવામાં આવ્યો છે.