Petrol-Diesel Rate: પેટ્રોલ પહોંચ્યુ 100ને પાર, જાણો પેટ્રોલ-ડીઝલનો આજનો રેટ

શુક્રવારે થયેલા ભાવ વધારા બાદ આજે પેટ્રોલ-ડીઝલના ભાવમાં કોઈ ફેરફાર કરવામાં આવ્યો નથી.

નવી દિલ્લીઃ શુક્રવારે થયેલા ભાવ વધારા બાદ આજે પેટ્રોલ-ડીઝલના ભાવમાં કોઈ ફેરફાર કરવામાં આવ્યો નથી. આજે દિલ્લીમાં પેટ્રોલ 93.04 રૂપિયા પ્રતિ લિટર જ્યારે ડીઝલ 83.50 રૂપિયા પ્રતિ લિટરના દરે વેચવામાં આવી રહ્યુ છે. જો કે શુક્રવારે રાજધાનીમાં પેટ્રોલના ભાવમાં 19 પૈસા અને ડીઝલના ભાવમાં 29 પૈસાનો વધારો કરવામાં આવ્યો હતો. કાલે થયેલા વધારા સાથે મુંબઈમાં પેટ્રોલના ભાવ 99.34 રૂપિયા જ્યારે ડીઝલ 91.01 રૂપિયા પ્રતિ લિટર પર પહોંચી ગયુ. આ ઉપરાંત મધ્ય પ્રદેશ, મહારાષ્ટ્ર અને રાજસ્થાનમાં પેટ્રોલના ભાવ 100 રૂપિયાને પાર પહોંચી ગયા.

રાજસ્થાનમાં સૌથી વધુ છે ઈંધણના ભાવ

રાજસ્થાનમાં શ્રી ગંગાનગરમાં ક્રૂડ ઓઈલનના ભાવ ભારતમાં સૌથી વધુ છે. ગંગાનગરમાં પેટ્રોલ 104 રૂપિયા જ્યારે ડીઝલ 96.62 રૂપિયા પ્રતિ લિટર વેચવામાં આવી રહ્યુ છે.

મેમાં અત્યાર સુધી 11 વાર વધી ચૂક્યા છે ભાવ

4 મેથી અત્યાર સુધી 11 વખત ઈંધણના ભાવ વધી ચૂક્યા છે અને શુક્રવારે આ રેકૉર્ડ સ્તરે પહોંચી ગયા. મેમાં દિલ્લીમાં પેટ્રોલના ભાવોમાં 2..69 રૂપિયા પ્રતિ લિટર વધી ગયા જ્યારે ડીઝલમાં 3.07 રૂપિયા પ્રતિ લિટરની વધારો થઈ ચૂક્યો છે. તમને જણાવી દઈએ કે ક્રૂડ ઓઈલ કંપનીઓ દૈનિક આધારે સવારે 6 વાગે ક્રૂડ ઓઈલના ભાવમાં ફેરફાર કરે છે.

English summary

Petrol-Diesel Rate: Petrol price reaches over 100 in Rajasthan, know today's rate of petrol and diesel