Israel Hamas war: મીડલ ઇસ્ટમાં તણાવ વધ્યો, રોકાણકારો પર શું થશે અસર?

Updated: Sunday, October 22, 2023, 17:20 [IST]

Israel Hamas war: મીડલ ઇસ્ટમાં ચાલી રહેલા તણાવગ્રસ્ત વાતાવરણ એટલે કે, ઇઝરાયેલ હમાસ વોરના લાંબા સમયથી ચિંતા અને ખરાબ હાલાતોને કારણે રોકાણકારોમાં ભયનો માહોલ જોવા મળી રહ્યો છે. આવામાં રોકાણકારોને સાવચેત રહેવાની જરૂર છે.

માર્કેટ એક્સપર્ટ માને છે કે, અસ્થિરતા ચાલુ રહેશે, જોકે, લાંબા ગાળાના રોકાણકારોને નાણાકીય વર્ષ 2024ના બીજા ક્વાર્ટરના પરિણામો, કમાણીના અંદાજો અને તહેવારોને કારણે વધેલી માંગમાંથી રોકાણની તકો મળશે.

IANSના સમાચાર અનુસાર, આ વાત જિયોજીત ફાઇનાન્સિયલ સર્વિસિસના રિસર્ચ હેડ વિનોદ નાયરે કહી છે. તેમણે જણાવ્યું હતું કે, ભારતીય બજાર યુએસ જીડીપી ડેટા પર ધ્યાનપૂર્વક નજર રાખશે. આ ફેડરલ રિઝર્વના વ્યાજ દરના સંદર્ભમાં હશે.

આઈટી સેક્ટરમાં નિરાશા અને બેંકોના મિશ્ર પરિણામો - સમાચાર મુજબ, નાયરે જણાવ્યું હતું કે, મધ્ય પૂર્વ તણાવ અને યુએસ બોન્ડ યીલ્ડમાં આ સપ્તાહે બજાર નરમ રહ્યું છે. કમાણીની મોસમની નબળી શરૂઆત, IT ક્ષેત્રની નિરાશા અને બેંકોના મિશ્ર પરિણામોએ રોકાણકારોને નફો બુક કરવા પ્રોત્સાહિત કર્યા હતા.

નાયરે જણાવ્યું હતું કે, FII (વિદેશી સંસ્થાકીય રોકાણકારો) બજારમાંથી ભંડોળ પાછું ખેંચવાનું ચાલુ રાખ્યું છે. કારણ કે, યુએસ ફેડ ચેરે અનુકૂળ નાણાકીય નીતિ ચાલુ રાખવા અને વ્યાજ દર ઊંચા રાખવાની જરૂરિયાત પર ભાર મૂક્યો હતો.

બેન્કિંગ સેક્ટર ફોકસમાં રહેશે - બીજી તરફ મોતીલાલ ઓસ્વાલ ફાઇનાન્શિયલ સર્વિસિસના રિટેલ રિસર્ચ ચીફ સિદ્ધાર્થ ખેમકાએ જણાવ્યું હતું કે, સોમવારે બેન્કિંગ સેક્ટર પર ફોક્સ રહેશે. ICICI અને કોટક બેંકના બીજા ક્વાર્ટરના પરિણામો પર રોકાણકારો પ્રતિક્રિયા આપશે.

Axis Bank, TechM, Maruti, Bajaj Finserv, SBI Life અને Dr Reddy's ના પરિણામો આવતા સપ્તાહે જાહેર થવાની શક્યતા છે. આના પર પણ માર્કેટમાં ફેરફાર જોવા મળી શકે છે. HDFC સિક્યોરિટીઝના ટેકનિકલ રિસર્ચ એનાલિસ્ટ નાગરાજ શેટ્ટીએ જણાવ્યું હતું કે, નિફ્ટીનો ટૂંકા ગાળાનો ટ્રેન્ડ નેગેટિવ રહે છે.