ક્વાર્ટર 2માં ઇન્ફોસિસનો નફો 24.29% વધી રૂ. 2,369 કરોડ

Updated: Monday, February 2, 2015, 13:06 [IST]

મુંબઇ, 12 ઑક્ટોબર : ભારતમાં આઇટી ક્ષેત્રની અગ્રણી કંપની ઇન્ફોસિસે 30 સપ્ટેમ્બરના રોજ પૂરા થતા બીજા ક્વાર્ટરમાં 2369 કરોડ રૂપિયાનો નફો કર્યો છે. જે ગયા વર્ષના આ જ સમયગાળા દરમિયાન નોંધાયેલા નફા કરતા 24.29 ટકા વધારે છે.

કંપનીએ શુક્રવારે મુંબઇ શેરબજારને આપેલી માહિતી અનુસાર તેની આવકમાં 21.7 ટકાનો વધારો થઇ 9,858 કરોડ રૂપિયા થઇ હોવાનું જણાવ્યું હતું. ગયા વર્ષે આ સમયગાળા દરમિયાન આવક 8,099 કરોડ રૂપિયા હતી.

ઇન્ફોસિસના સીએફઓ વી. બાલાકૃષ્ણન 31 ઑક્ટોબરે પદ છોડવાના છે. તેઓ છેલ્લા 6 વર્ષથી આ પદ ઉપર કાર્યરત છે. તેઓ બોર્ડ ઓફ ડિરેક્ટર્સમાં ચાલુ રહેશે અને ઇન્ફોસિસ બીપીઓ, ફિનેકલ અને ઇન્ડિયા બિઝનેસ યુનિટની કામગીરી સંભાળશે.

પરિણામો અંગે કંપનીના મુખ્ય કાર્યકારી અધિકારી અને મુખ્ય વ્યવસ્થાપક એસ ડી શિશૂબાલે જણાવ્યું કે હાલમાં પણ આઇટી ઉદ્યોગને અનિશ્ચિતતાનો સામનો કરવો પડી રહ્યો છે.