Bank Holidays in January 2023 : જાન્યુઆરીમાં 14 દિવસ રહેશે બેંક બંધ, જાણો રજાઓની યાદી

બેંકના ઘણા કામ એવા છે જેના માટે તમારે બેંક સુધી જવાની જરૂર પડે છે. આવા સમયે તમારે બેંક હોલીડે વિશે જાણી લેવું જોઇએ, નહીંતર બેંક સુધી તમારે ખોટો ધક્કો થઇ શકે છે.

Bank Holidays in January 2023 : આધુનિક ટેકનોલોજીમાં દરેક કામ આંગળીના ટેરવા પર થઇ રહ્યું છે. તેમ છતા ઘણા કામો કરવા માટે તમારે જાતે જવું પડે છે. જેમાં બેંક પણ અપવાદ નથી. વર્તમાન સમયમાં તમે પૈસાની લેવડ-દેવડથી લઇને ચેક બુકની અરજી સહિતની સુવિધા મોબાઇલ મારફતે મેળવી શકો છો. આ સાથે તમે ખાતુ પણ ઓનલાઇન ખોલાવી શકો છો.

જોકે, બેંકના ઘણા કામ એવા છે જેના માટે તમારે બેંક સુધી જવાની જરૂર પડે છે. આવા સમયે તમારે બેંક હોલીડે વિશે જાણી લેવું જોઇએ, નહીંતર બેંક સુધી તમારે ખોટો ધક્કો થઇ શકે છે.

આવી સ્થિતિમાં જો તમે પણ કોઈ કામ માટે બેંક જવાનું વિચારી રહ્યા છો, તો પહેલા જાણી લો કે, જાન્યુઆરી 2023માં બેંક 14 દિવસ માટે બંધ રહેશે. તેથી જો તમે બેંકમાં જવાના છો, તો જાન્યુઆરી પહેલા જ તમારું કામ પતાવી લો અથવા રજાઓનું લીસ્ટ જોઈને જ બેંક જાઓ.

જાન્યુઆરી મહિનાની રજાઓની યાદી

1, 2 અને 8 જાન્યુઆરી

1 જાન્યુઆરી, 2023ના રવિવાર અને નવા વર્ષને કારણે સમગ્ર દેશમાં બેંક બંધ રહેશે. ત્યારે જ્યાં એક તરફ આઇઝોલ અને મિઝોરમમાં 2જાન્યુઆરીના રોજ નવા વર્ષની ઉજવણી માટે અને 8 જાન્યુઆરીના રોજ રવિવારની રજાના કારણે તમામ રાજ્યોમાં બેંકો બંધ રહેશે.

11, 12 અને 14 જાન્યુઆરી

મિઝોરમમાં 11 જાન્યુઆરીએ મિશનરી ડે અને પશ્ચિમ બંગાળમાં 12 જાન્યુઆરીએ સ્વામી વિવેકાનંદ જયંતિના કારણે બેંક બંધ રહેશે. જ્યારે14 જાન્યુઆરીના રોજ મહિનાના બીજા શનિવાર અને મકરસંક્રાંતિ/માઘ બિહુના કારણે, ગુજરાત, કર્ણાટક, આસામ, સિક્કિમ અને તેલંગાણામાં બેંકમાં રજા રહેશે.

15, 22, 23 અને 25 જાન્યુઆરી

15મી જાન્યુઆરીએ રવિવારના કારણે અને પોંગલ/માઘ બિહુના કારણે પણ સમગ્ર દેશમાં બેંક બંધ રહેશે. આ સાથે 22 જાન્યુઆરીના રોજરવિવારના કારણે, તમામ રાજ્યોની બેંકમાં રજા રહેશે.

બીજી તરફ આસામમાં 23 જાન્યુઆરીએ નેતાજી સુભાષ ચંદ્ર બોઝ જયંતીઅને હિમાચલ પ્રદેશમાં 25 જાન્યુઆરીના રોજ રાજ્ય સ્થાપના દિવસના કારણે બેંકમાં રજા રહેશે.

26, 28, 29 અને 31 જાન્યુઆરી

પ્રજાસત્તાક દિવસ 26 જાન્યુઆરીએ ઉજવવામાં આવે છે, તેથી તે રાષ્ટ્રીય રજા છે અને આ દિવસે સમગ્ર દેશની બેંક બંધ રહેશે.

જ્યારે 28જાન્યુઆરીએ ચોથો શનિવાર હોવાથી સમગ્ર દેશની બેંકમાં રજા રહેશે અને 29 જાન્યુઆરીએ રવિવારની રજા રહેશે.

આ સાથે મિડમ્મીના કારણે આસામની બેંકમાં 31 જાન્યુઆરીના રોજ રજા રહેશે.

English summary

Bank Holidays in January 2023 : Banks will be closed for 14 days, know January bank holidays list