વીજળીની રફ્તાર કેટલી હોય? કેટલા સમયમાં તમારા ઘરે પહોંચે?

By Desk

Published: Monday, July 17, 2023, 22:28 [IST]

આજે દુનિયામાં સ્થિતી એ છે કે જો થોડી મીનિટો માટે પણ વીજળી જતી રહે તો તમામ કામ રોકાઈ જાય છે. આજે વીજળી સૌથી જરૂરી વસ્તુઓમાંથી એક છે જેના વગર હવે લોકો માટે જીવવુ મુશ્કેલ બની રહ્યુ છે. આ સ્થિતીમાં શું તમે એ જાણો છો કે હજારો કિલોમીટર દુરથી વીજળી તમારા ઘરે પહોંચે છે કેવી રીતે? વીજળીની સ્પીડ કેટલી હોય?

જાણકારો અનુસાર, તમારા ઘર સુધી વીજળી પહોંચવામાં જે સમય લાગે છે તેનો સીધો સંબંધ તેની ગતિ સાથે હોય છે. જો તેની ઝડપ જાણી લેવામાં આવે તો તે જાણવું મુશ્કેલ નથી કે જ્યાંથી વીજળી ઉત્પન્ન થાય છે તે તમારા ઘર સુધી પહોંચવામાં કેટલો સમય લાગે છે.

ઈલેક્ટ્રિક વાયરમાં કરંટની ઝડપ લગભગ પ્રકાશની ઝડપ જેટલી હોય છે. વીજળી અને પ્રકાશ આ બંને ઇલેક્ટ્રોમેગ્નેટિક તરંગો છે. તેનામાં માત્ર આવર્તનનો તફાવત છે. આ આધાર પર ઇલેક્ટ્રિક વાયરમાં કરંટની સ્પીડ અંદાજે 299,792,458 મીટર પ્રતિ સેકન્ડ હોય છે.

અવાજ અને વીજળીની સ્પીડમાં મોટો તફાવત હોય છે. આ કંઈક એવી રીતે છે જ્યારે આકાશમાં વીજળી થાય ત્યારે પહેલા આપણને વીજળી દેખાય છે અને પછી અવાજ સંભળાય છે. આનો સીધો અર્થ એ થયો કે પ્રકાશની ગતિ ધ્વનિની ગતિ કરતા વધારે છે.

સૂર્ય અને પૃથ્વી વચ્ચેનું અંદાજીત અંતર 14,92,00,000 કિલોમીટર એટલે કે 9,29,60,000 માઈલ છે. સૂર્યનો પ્રકાશ પૃથ્વી સુધી પહોંચતા 8 મિનિટ 16.6 સેકન્ડનો સમય લાગે છે. જ્યારે સૂર્ય ઉગે છે ત્યારે આપણે તેને આપણી આંખોથી સરળતાથી જોઈ શકીએ છીએ પરંતુ જ્યારે તેનો પ્રકાશ આપણા સુધી પહોંચે છે ત્યારે આપણે સૂર્યને જોઈ શકતા નથી.

Published On July 17, 2023