બાપની ઉમરના પુરૂષ સાથે લગ્ન અને હવે 100 બાળકોની માતા બનવાની ઈચ્છા, અજીબ છે આ યુવતીની લવ સ્ટોરી

સામાન્ય રીતે લોકો લગ્ન કરીને નાનો પરિવાર બનાવવાની ઈચ્છા રાખે છે. જો કે આજે આપણે જે યુવતી વિશે વાત કરવા જઈ રહ્યા છીએ તેની ઈચ્છા થોડી અલગ છે.

જાણીને નવાઈ લાગશે કે યુવતીએ લગ્ન માટે તેના કરતા 32 વર્ષ મોટા પુરુષને પસંદ કર્યો છે અને જીવનમાં ઓછામાં ઓછા 100 બાળકોની માતા બનવા માંગે છે.

આ ઘટનામાં સૌથી ચૌકાવનારી બાબત એ છે કે અત્યાર સુધીમાં તે 22 બાળકોનો મોટો પરિવાર ચલાવી રહી છે. જો કે તેને ઘરના દરેક ખૂણામાં એક બાળક જોઈએ છે.
હવે લોકો બે બાળકો વિશે પણ માંડ વિચારે છે અને મોટાભાગના પરિવારોમાં એક જ બાળક જોવા મળે છે ત્યારે આ મહિલાની ઇચ્છા બધાને ચૌકાવી રહી છે.

ક્રિસ્ટીના ઓઝતુર્ક નામની આ મહિલા સોવિયેત રિપબ્લિક ઓફ જ્યોર્જિયાના બાટુમીમાં રહે છે. તેણીએ તેના કરતા 32 વર્ષ મોટા પુરુષ સાથે લગ્ન કર્યા છે. ક્રિસ્ટીના પોતે 26 વર્ષની છે અને પતિ ગેલિપ 58 વર્ષનો છે. આ કપલે સોશિયલ મીડિયા પર એવું કહીને લોકોને ચોંકાવી દીધા હતા કે તે કુલ 105 બાળકોના માતા-પિતા બનવા માંગે છે.

હાલ આ દંપતીને કુલ 22 બાળકો છે અને તેમના ભવિષ્ય માટે મહેનત કરે છે. હાલમાં જ તેણીએ ઇન્સ્ટાગ્રામ પોસ્ટમાં લખ્યુ કે, મારા પતિ અને હું અમારા બાળકોને સ્વસ્થ, ખુશ અને પ્રમાણિક બનાવવા માટે શ્રેષ્ઠ પ્રયાસ કરીએ છીએ. અમારા બાળકો વિશ્વનું ભવિષ્ય આપણું સુખ છે. તે તેમના પરિવારને વધુ વિસ્તારવાનું પણ વિચારી રહ્યા છે.

ક્રિસ્ટીના કહે છે કે તે ગેલિપને મળી ત્યારે તેણે ઉંમર વિશે વિચાર્યું નહોતું. તે પહેલી નજરનો પ્રેમ હતો અને તે જીવનમાં એક માર્ગદર્શક અને સપનાનો રાજકુમાર છે. ગેલિપ કહે છે કે ક્રિસ્ટીનાના ચહેરા પર હંમેશા સ્મિત રહે છે. તે શરમાળ છે અને પત્ની તરીકે તે ખૂબ જ દયાળુ અને દિલની સારી છે. બંનેને ઘણાં બાળકો જોઈએ છે.

તમે વિચારતા હશો કે કેવી રીતે એક મહિલાએ 26 વર્ષની ઉંમરમાં 22 બાળકોને જન્મ આપ્યો તો ચાલો તમને જણાવી દઈએ કે ગેલિપ અને ક્રિસ્ટીનાને માત્ર એક જ જૈવિક બાળક છે. આ સિવાય તેણે સરોગસી દ્વારા તમામ બાળકોને જન્મ આપ્યો છે અને તેમની દરેક ખુશીનું ધ્યાન રાખે છે.

English summary

Wants to marry a man of father's age and now be a mother of 100 children