છૂટાછેડાના આ વિચિત્ર કારણો વાંચો, જાણીને રહી જશો દંગ

Updated: Monday, October 16, 2023, 17:16 [IST]

divorce reasons: આજકાલ લગ્ન ટકવા ખૂબ જ મુશ્કેલ બની ગયા છે. જેમ ગર્લફ્રેન્ડ-બોયફ્રેન્ડના બ્રેકઅપ થવા લાગ્યા છે, તેવી જ રીતે લગ્ન ટકવા મુશ્કેલ લાગે છે. તાજેતરમાં, મુંબઈના વકીલ અને કન્ટેન્ટ ક્રિએટર અપ્પાચુ કૌલે કેટલાક વિચિત્ર કારણો જણાવ્યા છે, જે છૂટાછેડા લેતી વખતે યુગલો તેમને જણાવે છે.

હવે આ યાદી ઈન્ટરનેટ પર ચર્ચાનો વિષય બની ગઈ છે. જોકે, આ મુદ્દે ઘણા લોકોએ છોકરીને દોષી ઠેરવી અને ઘણા લોકોએ છોકરા પર આરોપ લગાવ્યો છે.

ઘણા લોકો એવું સૂચન કરે છે કે, આજના લગ્ન માત્ર એક ધૂન છે. કૌલે ઈન્સ્ટાગ્રામ પર વીડિયો શેર કરીને જણાવ્યું કે, જ્યારે તેની પત્નીએ હનીમૂન દરમિયાન અશ્લીલ કપડાં પહેર્યા, તો પતિએ છૂટાછેડા માંગી લીધા હતા.

અન્ય કારણો જણાવતા કૌલ કહે છે કે, પતિ તેની પત્નીને સમય આપી શકતો ન હતો. કારણ કે, તે યુપીએસસીની તૈયારી કરી રહ્યો હતો. પછી તેણે કહ્યું કે, એક કિસ્સામાં પત્નીએ પતિના પગ સ્પર્શ કરવાની ના પાડી દીધી હતી, અને બીજા કિસ્સામાં પત્નીને રસોઈ બનાવતા આવડતું ન હતું અને પતિને ભૂખ્યા રહેવું પડ્યું હતું.

વકીલે તેની વાયરલ રીલમાં છૂટાછેડા માટેના વધુ વિચિત્ર કારણો દર્શાવ્યા છે. આ દરમિયાન એક મહિલાએ એવી પણ ફરિયાદ કરી હતી કે, તેનો પતિ તેને ખૂબ પ્રેમ કરે છે અને તેનું ખૂબ ધ્યાન રાખે છે. તેની સાથે બિલકુલ ઝઘડો નથી કરતો. આ તેની સમસ્યાઓનું કારણ હતું.

ઉલ્લેખનીય છે કે, વકીલ 2020 માં આવેલા એક કેસનો પણ ઉલ્લેખ કરી રહ્યા હતા, જેમાં ઉત્તર પ્રદેશની એક મહિલાએ તેના પતિથી છૂટાછેડા માટે અરજી કરી હતી. કારણ કે, તે તેને ખૂબ જ પ્રેમ કરતો હતો અને લગ્નના 18 મહિના દરમિયાન તેણે છૂટાછેડા માટે અરજી કરી હતી. કારણ કે, તેના સાથે કોઈ પ્રકારની તકરાર કે કોઈ લડાઈ નથી થઇ.