Video : મુંબઈની ગલીઓમાં વરસાદ વચ્ચે રોમેન્ટિક ડાન્સ કરતુ જોવા મળ્યુ કપલ, વીડિયો ઈન્ટરનેટ પર છવાયો

હાલ ભારતમાં ચોમાસુ જામ્યુ છે અને કેરળથી લઈને ઉત્તરાખંડ સુધી ભારે વરસાદ જોવા મળી રહ્યો છે. લોકો હાલાકી વચ્ચે વરસાદનો આનંદ લઈ રહ્યા છે. હવે વરસાદ વચ્ચે મુંબઈના એક કપલનો ડાન્સ વીડિયો ઈન્ટરનેટ પર છવાયો છે.

વરસાદનું આમગન કપલ માટે રોમાન્સ કરવાનો સૌથી સારો મોકો હોય છે. વરસાદ આવતા જ રોમેન્ટિક કપલ એકબીજામાં ખોવાઈ જાય છે અને વરસાદનો આનંદ લેતા જોવા મળે છે. મુંબઈનું આ કપલ પણ વરસાદનો ભરપુર આનંદ લઈ રહ્યુ છે.

વાયરલ થઈ રહેલા આ વીડિયોમાં જોઈ શકાય છે કે એક કપલ રોમેન્ટિક સોંગ પર ડાન્સ કરતુ જોવા મળી રહ્યું છે. વરસાદ વચ્ચે આ કપલનો ડાન્સ ઈન્ટરનેટ પર છવાઈ ગયો છે.

ટ્વિટર પર શેર કરાયેલા આ વીડિયોમાં કપલ ફૂટપાથ પર ડાન્સ કરતુ જોવા મળે છે. વરસાદ અને વાહનો વચ્ચે કપલ એકબીજાની બાહોમાં હાથ રાખીને પોતાની મસ્તીમાં ડાન્સ કરી રહ્યું છે. બન્ને બાજુમાંથી નીકળી રહેલા વાહનોથી એકદમ અજાણ છે અને વરસાદનો આનંદ લઈ રહ્યા છે.

આ વીડિયોને ઈન્ટરનેટ પર ખુબ પસંદ કરવામાં આવી રહ્યો છે અને લોકો ડાન્સના વખાણ પણ કરી રહ્યા છે. આ કપલે જે રીતે મુંબઈના વરસાદને આફત વચ્ચે અવસરમાં ફેરવી દીધો છે અને ઈન્ટરનેટ પર છવાઈ ગયુ છે.

This Or Nothing 😭😭❤️
Najar na lge 🧿 pic.twitter.com/OkG6S5dEjG

— Anu. (@theLostFirsbee) July 7, 2023

એક યુઝરે કમેન્ટ કરતા લખ્યુ કે, મારે પણ એજ જોઈએ છે જે તેની પાસે છે. બીજાએ કહ્યું કે, આ ખૂબ જ સુંદર છે, હું રડી રહ્યો છું. એકે કહ્યું કે હું પણ તેને રિક્રિએટ કરવા માંગુ છું. પરંતુ એક શરતે કે કોઈ તેને રેકોર્ડ ન કરે.

અહીં તમને જણાવી દઈએ કે, આ કપલ જે સોંગ પર ડાન્સ કરી રહ્યું છે તે શાહિદ કપૂર અને કરીના કપૂરની ફિલ્મ જબ વી મેટનું છે અને ખૂબ જ લોકપ્રિય છે.

English summary

A couple was seen doing a romantic dance in the rain in the streets of Mumbai, the video went viral