સપ્ટેમ્બરમાં મારુતિ અને મહિન્દ્રા સામે હાંફી ગયા ટાટા અને ફોર્ડ

Published: Friday, October 3, 2014, 15:16 [IST]

ભારતીય ઓટોમોબાઇલ સેક્ટરમાં દિવાળી પહેલા જ બમ્પર વેચાણની હેલી આવી ગઇ છે. ભારતની અનેક કાર નિર્માતા કંપનીઓએ સપ્ટેમ્બર માસમાં અનેકગણો ગ્રોથ કર્યો છે, જ્યારે કેટલીક કાર નિર્માતા કંપનીઓ માટે સપ્ટેમ્બર મહિનો સારો રહ્યો નથી. સૌથી વધુ લાભ મારુતિ સુઝુકીને થયો છે, તેણે ગયા વર્ષે સપ્ટેમ્બર મહિનામાં જેટલા વાહનો વેચ્યા હતા, તેના કરતા ચાલું વર્ષે 4.6 ટકા વધુ વાહનોનું વેચાણ કર્યું છે. આ ઉપરાંત મહિન્દ્રા, નિસાન, હોન્ડા, હુન્ડાઇ અને ટોયોટા જેવી વાહન નિર્માતા કંપનીઓએ પણ સારો એવો વિકાસ નોંધાવ્યો છે.

બીજી તરફ ભારતની જાણીતી બ્રાન્ડ ટાટા ઉપરાંત ફોર્ડ અને જનરલ મોટર્સ(શેવરોલે)ને સપ્ટેમ્બર મહિનો ફળ્યો નથી. ગયા વર્ષે આ મહિને આ કંપનીઓ જેટલા વાહનોનું વેચાણ કર્યું હતું. તેના કરતા ઘણા ઓછા વાહન ચાલું વર્ષે સપ્ટેમ્બર મહિનામાં વેચ્યા છે. મારુતિએ ચાલુ વર્ષે સપ્ટેમ્બર મહિનામાં 109,742 વાહનોનું વેચાણ કર્યું છે. જે સાબિત કરે છેકે ભારતમાં આ બ્રાન્ડ કેટલી લોકપ્રિયતા ધરાવે છે. તો ચાલો તસવીરો થકી જાણીએ કે ભારતીય ઓટો જગતમાં કઇ કઇ વાહન નિર્માતા કંપનીએ કેટલા વાહનોનું વેચાણ કર્યું છે.

આ પણ વાંચોઃ- માઉન્ટેઇન બાઇક્સ રાઇડિંગ કરતા પહેલા જોઇ લો આ વીડિયો
આ પણ વાંચોઃ- 1699 સીસીની થંડરબર્ડ એલટીને આ બાઇક્સ આપશે ટક્કર
આ પણ વાંચોઃ-ભારતની ટોપ 10 કાર્સ, કિંમત 4 લાખની અંદર