હવે ઘરે બેઠાં મેળવી શકશો ડ્રાઈવિંગ લાઈસન્સ, જુલાઈથી બદલાશે આ નિયમ

Published: Sunday, June 13, 2021, 14:02 [IST]

આગામી 1 જુલાઈથી લર્નિંગ ડ્રાઈવિંગ લાઈસેંસ બનાવવાના નિયમ બદલી જશે. આ બદલાવ બાદ તમારે લર્નિંગ લાઈસેંસ બનાવવા માટે RTOના ધક્કા નહી ખાવા પડે, બલકે ઘરે બેઠા જ તમે તમારું લર્નિંગ ડ્રાઈવિંગ લાઈસેન્સ મેળવી શકશો, જેને તમે ઈચ્છો ત્યારે પ્રિંટ કરાવી શકશો. લોકો સુધી આ સુવિધા પહોંચાડવા માટે માર્ગ પરિવહન અને હાઇવે મંત્રાલયે સારથી સૉફ્ટવેરમાં જરૂરી બદલાવ કર્યા છે. જે બાદ લર્નિંગ ડ્રાઈવિંગ લાઈસેંસ બનાવવું આસાન થઈ જશે. તમે ઘરે બેઠાં આ સુવિધાનો લાભ કેવી રીતે ઉઠાવી શકો છો, આવો જાણીએ...

ઑનલાઈન લર્નિંગ ડ્રાઈવિંગ લાઈસેન્સ બનાવવા માટે તમારે તમારા રાજ્યની પરિવહન વિભાગની વેબસાઈટ પર જવું પડશે. આની સાથે જ તમે https://parivahan.gov.in અથવા sarathiservice/newLLDet.do પર જઈ ઓનલાઈન અરજી કરી શકશો.

ઓનલાઈન લર્નિંગ ડ્રાઈવિંગ લાઈસેંસ બનાવવા માટે તમારે તમારું આધાર કાર્ડ લિંક કરાવવું પડશે. જે બાદ તમે લર્નિંગ ડીએલની ફી જમા કરી શકો છો. જેના થોડા દિવસ બાદ જ તમારું ડ્રાઈવિંગ લાઈસન્સ ઓનલાઈન તમારી પાસે આવી જશે.

લર્નિંગ ડ્રાઈવિંગ લાઈસેન્સ બનાવવા માટે હવે ઑનલાઈન ટેસ્ટ થશે. જેને તમે ઘરેથી અથવા કોઈપણ સાઈબર કેફેથી આપી શકો છો. પરિવહન વિભાગના એક અધિકારીએ જણાવ્યું કે, જે લોકો ટેસ્ટમાં પાસ થશે માત્ર તેમને જ લર્નિંગ લાઈસેન્સ જાહેર કરવામાં આવશે, જેને ડાઉનલોડ કરી પ્રિન્ટ કરી શકાય છે.

પરિવહન વિભાગ મુજબ આ સુવિધાનો લાભ ઉત્તર પ્રદેશના તમામ જિલ્લામાં મળશે. જ્યારે દેશના અન્ય રાજ્યોમાં પણ આ સેવા જલદી જ શરૂ થઈ શકે છે.

Published On June 13, 2021