10 રાષ્ટ્ર, 10 ખેલાડીઃ જેમને કહેવાય છે ટી20ના રનમશીન

Published: Wednesday, September 17, 2014, 13:48 [IST]

ભારતમાં ચેમ્પિયન્સ લીગ ટી20 2014નો આજથી આગાઝ થઇ રહ્યો છે. ભારતની ચેન્નાઇ સુપર કિંગ્સ, કિંગ્સ ઇલેવન પંજાબ અને કોલકતા નાઇટ રાઇડર્સ સહિત અનેક દેશોની ટી20 લીગ ટીમો ભારતમાં ચેમ્પિયન્સ લીગમાં ભાગ લઇ રહી છે અને આ વર્ષનું ટાઇટલ પોતાના નામે કરવાના પોતાના અભિયાનની શરૂઆત કરશે. પહેલી મેચ હૈદરાબાદ ખાતે ચેન્નાઇ અને કોલકતા વચ્ચે રમાઇ રહી છે. ચેન્નાઇની વાત કરવામાં આવે તો ચેન્નાઇની ટીમમાં અનેક એવા ખેલાડીઓ છેકે જેઓ વિસ્ફોટક ખેલાડી તરીકે જાણીતા છે. તો કોલકતામાં પણ બાજીને પલ્ટી નાંખવાનો દમ ધરાવતા બેટ્સમેન છે.

ટી20 ક્રિકેટનો ફિવર વિશ્વભરમાં ફરીથી છવાઇ રહ્યો છે, ત્યારે એ જાણવાની બધાને ઉત્સુકતા રહે છેકે કયા ખેલાડી દ્વારા સૌથી વધું રન બનાવવામાં આવ્યા છે, જોકે આજે અમે અહીં જે ખેલાડીઓ અંગે વાત કરી રહ્યાં છીએ તેઓ માત્ર ચેમ્પિયન્સ લીગમાં જ નહીં પરંતુ તમામ ટી20 ક્રિકેટમાં પોતાના બેટ વડે બોલર્સ પર વાવાઝોડાની માફક ત્રાટક્યા છે. અહીં 10 એવા દેશોના આંતરરાષ્ટ્રીય ખેલાડીઓ અંગે માહિતી આપી રહ્યાં છીએ જે દેશો ટેસ્ટ ક્રિકેટ રમી રહ્યાં છે. આ ખેલાડીઓએ તમામ પ્રકારની ટી20માં શાનદાર પ્રદર્શન કર્યું છે અને રનનો પહાડ ઉભો કર્યો છે. તો ચાલો તસવીરો થકી જાણીએ કે આ યાદીમાં ટોચ પર કોણ આવે છે.