Year Ender 2024 : ભારતીય મહિલા ક્રિકેટ ટીમ માટે કેવુ રહ્યું 2024 નું વર્ષ? જાણો મહત્વની ઉપલબ્ધિઓ

Lookback 2024 Sports : 2024 નું વર્ષ ભારતીય ક્રિકેટ માટે ચર્ચાસ્પદ રહ્યું છે. આ વર્ષે ક્રિકેટની દુનિયામાં ઘણી એવી ઘટનાઓ બની જેને યાદ રખાશે.

ખાસ કરીને 2024 નું વર્ષ ભારતીય મહિલા ક્રિકેટ માટે ખાસ રહ્યું નથી. એક તરફ ભારતીય પુરૂષ ટીમ T20 વર્લ્ડ કપ જીતવામાં સફળ રહી તો મહિલા ટીમ માટે નિરાશાજનક પ્રદર્શન રહ્યું.

મહિલા એશિયા કપ અને મહિલા T20 વર્લ્ડ કપ બંનેમાં ભારતીય મહિલા ટીમને જીતની પ્રબળ દાવેદાર માનવામાં આવતી હતી. જો કે તેનાથી વિપરીત ટીમ ઈન્ડિયાનું પ્રદર્શન નિરાશાજનક રહ્યું.

આ વર્ષે ભારતીય મહિલા ટીમે કુલ 23 T20 ઈન્ટરનેશનલ મેચ રમી અને તેમાંથી 15 મેચમાં જીત અને 7 મેચમાં હારનો સામનો કરવો પડ્યો. એક મેચ પણ રદ્દ કરવામાં આવી.

ઓસ્ટ્રેલિયા સામે હાર
2024માં ભારતીય મહિલા ક્રિકેટ ટીમે ઓસ્ટ્રેલિયા સામે T20 શ્રેણી રમી. આ સિરીઝમાં ઓસ્ટ્રેલિયાની મહિલા ટીમ સામે ભારતીય ટીમને 2-1થી હારનો સામનો કરવો પડ્યો. પ્રથમ મેચમાં, ભારતીય મહિલા ટીમે શાનદાર પ્રદર્શન કર્યું અને ઓસ્ટ્રેલિયાને હરાવ્યું. જો કે તે પછીની બે મેચ હારી અને સિરીઝ ગુમાવી.

બાંગ્લાદેશને તેના જ ઘરમાં હરાવ્યુ
આ હાર બાદ ભારતીય મહિલા ટીમે બાંગ્લાદેશનો પ્રવાસ કર્યો, જ્યાં 5 મેચની T20 શ્રેણી રમી. ભારતીય મહિલા ટીમે બાંગ્લાદેશને ઘરઆંગણે શાનદાર રીતે હરાવ્યું અને શ્રેણી 5-0થી જીતી.

નિરાશાજનક T20 વર્લ્ડ કપ
UAEમાં રમાયેલા મહિલા T20 વર્લ્ડ કપમાં ન્યૂઝીલેન્ડની ટીમે શાનદાર પ્રદર્શન કર્યું હતું અને ટાઈટલ કર કબ્જો કર્યો. બીજી તરફ ભારતીય મહિલા ક્રિકેટ ટીમના પ્રદર્શને નિરાશ કર્યા. ટીમ ઈન્ડિયાએ વિશ્વ કપની શરૂઆત ખૂબ જ આત્મવિશ્વાસ સાથે કરી હતી અને તે ટાઈટલ જીતવાના પ્રબળ દાવેદારોમાં સામેલ હતી.

જો કે ટીમનું પ્રદર્શન અપેક્ષાઓથી ઘણું દૂર રહ્યું અને ટીમ ગ્રૂપ સ્ટેજમાં ચારમાંથી બે મેચ હારીને બહાર થઈ ગઈ. ભારતીય મહિલા ટીમનું અત્યાર સુધીનું આ સૌથી ખરાબ પ્રદર્શન હતું

વર્ષની છેલ્લી સિરીઝમાં જીત
ભારતે 2024માં વેસ્ટ ઈન્ડિઝ સામે ટી20 શ્રેણી રમી છેલ્લી મેચમાં જબરદસ્ત પ્રદર્શન કર્યું અને 60 રનથી જીત મેળવી, જેની સાથે તેણે શ્રેણી 2-1થી જીતી અને વર્ષનો અંત શાનદાર રીતે કર્યો.

English summary

Year Ender 2024: How was the year 2024 for the Indian women's cricket team? Know the important achievements