KKR vs DC : દિલ્હીએ ટોસ જીત્યો, પહેલા બેટિંગ કરવાનો નિર્ણય

By Desk

Published: Monday, April 29, 2024, 19:14 [IST]

દિલ્હી કેપિટલ્સ અને કોલકત્તા નાઈટ રાઈડર્સ વચ્ચે રમાવા જઈ રહેલા આઈપીએલના મુકાબલામાં દિલ્હીએ ટોસ જીત્યો છે અને પહેલા બેટિંગ કરવાનો નિર્ણય કર્યો છે.

કોલકાતા નાઈટ રાઈડર્સને તેની છેલ્લી મેચમાં પંજાબ કિંગ્સ સામે હારનો સામનો કરવો પડ્યો હતો. પંજાબ પહેલા રાજસ્થાન રોયલ્સ ટીમે પણ કોલકાતાને તેના હોમ ગ્રાઉન્ડ પર હરાવ્યું હતું.

દિલ્હી કેપિટલ્સની વાત કરીએ તો જેક ફ્રેઝર-મેકગર્કના આગમન બાદ દિલ્હીની ટીમ અલગ અંદાજમાં જોવા મળી રહી છે. દિલ્હી કેપિટલ્સ તેની અગાઉની મેચમાં મુંબઈ ઈન્ડિયન્સને હરાવવામાં સફળ રહી હતી.

જો દિલ્હી કેપિટલ્સ પ્લેઓફ માટે ક્વોલિફાય કરવા માંગે છે તો તેણે કોઈપણ કિંમતે કોલકાતા નાઈટ રાઈડર્સ સામેની આ મેચ જીતવી પડશે.

કોલકાતા નાઈટ રાઈડર્સ તેની છેલ્લી પાંચમાંથી ત્રણ મેચ હારી છે. કોલકાતા નાઈટ રાઈડર્સ 261 રન બનાવવા છતાં પંજાબ કિંગ્સ સામે હારી ગઈ હતી. ફરી એકવાર દિલ્હી અને KKR વચ્ચે કોલકાતાના ઈડન ગાર્ડનમાં હાઈ સ્કોરિંગ મેચની અપેક્ષા છે.

બંને ટીમો પાસે વિસ્ફોટક બેટ્સમેન છે. સુનીલ નારાયણ કોલકાતા નાઈટ રાઈડર્સ માટે આ સિઝનમાં બેટથી તબાહી મચાવી રહ્યો છે. સુનીલ નારાયણ, ફિલ સોલ્ટ ઉપરાંત આન્દ્રે રસેલ પાસેથી પણ રનની અપેક્ષા રાખવામાં આવશે.

દિલ્હીની વાત કરીએ તો દિલ્હીના યુવા બેટ્સમેન જેક ફ્રેઝર-મેકગર્કે છેલ્લી મેચમાં મુંબઈ ઈન્ડિયન્સ સામે માત્ર 27 બોલમાં 84 રન બનાવ્યા હતા.

Published On April 29, 2024