ENG vs NZ: ચાલતી મેચમાં કપડાં વિના ઘૂસ્યો એક વ્યક્તિ

વર્લ્ડકપ ટુર્નામેન્ટમાં ઇંગ્લેન્ડ અને ન્યુઝીલેન્ડ વચ્ચે બુધવારે રમાયેલી મેચમાં એક એવો નઝારો જોવા મળ્યો, જેને જોઈને બધા જ હેરાન થઇ ગયા હતા. ખરેખર મેચ દરમિયાન ન્યૂઝીલેન્ડની ઇંનિંગમાં 34મી ઓવરમાં એક નગ્ન વ્યક્તિ સુરક્ષાઘેરો તોડીને ગ્રાઉન્ડમાં પહોંચી ગયો. ગ્રાઉન્ડમાં આવ્યા પછી તે કોઈ પણ ખેલાડીને મળ્યો નહીં, તે ત્યાં ડાન્સ કરવા લાગ્યો. એટલું જ નહીં પરંતુ પીચ પર નગ્ન વ્યક્તિ કરતબો બતાવવા લાગ્યો હતો.

તે વ્યક્તિના મેદાનમાં ઘુસ્યા પછી ઘણા સમય સુધી મેચ અટકી રહી. ત્યારપછી સુરક્ષાકર્મીઓ જયારે તેને પકડવા માટે ગ્રાઉન્ડ પર આવ્યા, ત્યારે તેને તેમને પણ ખુબ દોડાવ્યા. એટલું જ નહીં પરંતુ તેને ખેલાડીઓ પાસે જઈને ઉલ્ટા સીધા ઈશારા પણ કર્યા. બેટિંગ કરી રહેલા ન્યૂઝીલેન્ડના બેટ્સમેન ટોમ લાથમ અને મિચેલ સેન્ટનર અને ઇંગ્લેન્ડ ટીમના ખેલાડીઓ તેની આ હરકતને જોતા રહ્યા. આખરે ચાર-પાંચ સિક્યોરિટી ગાર્ડ આવ્યા અને તેને કપડાથી ઢાંકીને મેદાનની બહાર લઇ ગયા.

Well this went well. #CWC19 @RiversideDurham #EngvNl #streaker pic.twitter.com/3K0MVNrNcW

— Just Beef (@Ajk316) July 3, 2019

આપને જણાવી દઈએ કે ગઈ કાલે રમાયેલી ઇંગ્લેન્ડ અને ન્યુઝીલેન્ડ વચ્ચેની મેચમાં ઇંગ્લેન્ડ જીતી ચૂક્યું છે. તેમને પહેલા બેટિંગ કરતા 50 ઓવરમાં 8 વિકેટના નુકશાને 305 રન બનાવ્યા હતા, જયારે બીજી ઇંનિંગમાં ન્યૂઝીલેન્ડની ટીમ 45 ઓવરમાં 186 રન પર ઓલઆઉટ થઇ ગઈ.

English summary

Eng Vs NZ Match: Streaker runs out and interrupts match, watch video