IPL Auction: 204 ખેલાડી પર 641.5 કરોડની ધનવર્ષા, શું 24.75 કરોડનો રેકોર્ડ તૂટશે?

IPL Auction: ઓસ્ટ્રેલિયાનો સ્ટાર બોલર મિચેલ સ્ટાર્ક પર્થ ટેસ્ટમાં તબાહી મચાવી રહ્યો છે. તે જે પ્રકારની રમત બતાવી રહ્યો છે, IPLની તમામ ટીમો ચોક્કસપણે તેના પર નજર રાખશે. જોકે પર્થમાં ટેસ્ટ મેચ રમાઈ રહી છે, પરંતુ ઓસ્ટ્રેલિયન ખેલાડીઓ માઈક પર આઈપીએલને લઈને રિષભ પંતને ટોણો મારતા સાંભળી શકાય છે. મતલબ કે આઈપીએલનો ઉત્સાહ દરેક જગ્યાએ જોવા મળી રહ્યો છે.

ક્રિકેટ અને આઈપીએલના ચાહકો માટે આજનો અને આવતીકાલનો દિવસ ખૂબ જ ખાસ રહેવાના છે. સાઉદી અરેબિયાના જેદ્દાહમાં બે દિવસીય IPLની હરાજી પર સૌની નજર ટકેલી છે. આ સમયગાળા દરમિયાન 577 ખેલાડીઓના ભાવિનો નિર્ણય થશે. જેમાંથી અલગ-અલગ ફ્રેન્ચાઈઝી 204 ખેલાડીઓને પોતાની ટીમમાં સામેલ કરવાનો પ્રયાસ કરશે.

ખેલાડીના ભાગ્ય બદલાશે

કેટલાક ખેલાડીઓ માટે 24-25 નવેમ્બર ભાગ્ય બદલાવનારો સાબિત થશે, તેમને આ હરાજીમાં એટલા પૈસા મળી શકે છે, જેનાથી તેમનું નસીબ બદલાઈ જશે. ઓસ્ટ્રેલિયાના બોલિંગ કોચ ડેનિયલ વેટોરી પર્થ ટેસ્ટની વચ્ચે જેદ્દાહ પહોંચી ગયા છે. જસ્ટિન લેંગર અને રિકી પોન્ટિંગ પણ આ હરાજી માટે કોમેન્ટ્રી છોડીને જેદ્દાહ પહોંચી ગયા છે.

ફ્રેન્ચાઈઝી પાસે 20 ટકા વધુ પૈસા

આ વખતે આઈપીએલની તમામ ફ્રેન્ચાઈઝી પાસે 20 ટકા વધારાના પૈસા છે. એટલે કે દરેક ટીમ પાસે 120 કરોડ રૂપિયા છે, જેનાથી તે ખેલાડીઓ પર બોલી લગાવી શકે છે. કેટલાક ખેલાડીઓને જાળવી રાખ્યા બાદ પણ ટીમો પાસે 641.5 કરોડ રૂપિયા છે. આવી સ્થિતિમાં, એવું માનવામાં આવે છે કે ઓછામાં ઓછા 1-2 ખેલાડીઓને 20 કરોડ રૂપિયાથી વધુની ડીલ મળી શકે છે.

મિચેલ સ્ટાર્કનો રેકોર્ડ તૂટશે?

ગયા વર્ષે મિચેલ સ્ટાર્કને મિની ઓક્શનમાં 24.75 કરોડ રૂપિયા મળ્યા હતા, જેણે બધાને દંગ કરી દીધા હતા. આવી સ્થિતિમાં આ મેગા ઓક્શનમાં આ આંકડો પાર થાય છે કે નહીં તે જોવું રસપ્રદ રહેશે. આ સાથે હૈદરાબાદની ટીમે હેનરિક ક્લાસ પર 23 કરોડ રૂપિયાનો ખર્ચ કર્યો હતો, તેથી આ રેકોર્ડ તૂટે છે કે કેમ તેના પર પણ નજર રહેશે.