Junagadh: ગિરનાર પર 2 કલાકમાં 3 ઇંચ વરસાદ વરસ્યો, કાળવા નદીમાં આવ્યું ઘોડાપૂર

Junagadh: જૂનાગઢના દામોદર કુંડ અને કાળવા નદીમાં ઘોડાપૂર આવ્યું છે. ગિરનાર પર્વત પર વરસાદથી પાણીની આવક થઈ રહી છે. શહેરમાં 3 ઈંચ વરસાદથી દામોદર કુંડમાં પૂર આવ્યું છે. અમાસ નિમિત્તે વરસાદી માહોલ જોવા મળ્યો છે. ગિરનાર પર 2 કલાકમાં 3 ઇંચ વરસાદ વરસ્યો છે. એક દિવસના વિરામ બાદ ફરી વરસાદ વરસ્યો છે. કુંડમાં જવા પર તંત્ર દ્વારા પ્રતિબંધ લગાવાયો છે. દામોદર કુંડ પાસે પોલીસનો બંદોબસ્ત ગોઠવાયો છે. વંથલી અને ભેંસાણ તાલુકામાં દોઢ ઈંચ વરસાદ નોંધાયો છે.

ભારે વરસાદથી કાળવા નદીમાં આવ્યું ઘોડાપૂર

Kalwa River: જૂનાગઢ જિલ્લામાં 2 દિવસ અગાઉ પડેલા વરસાદે ભારે તારાજી સર્જી છે. રાજ્યામાં હવામાન વિભાગ દ્વારા આગામી 5 દિવસ ભારે વરસાદની આગાહી કરવામાં આવી રહી છે. સૌરાષ્ટ્ર, દક્ષિણ ગુજરાતમાં અતિભારે વરસાદની આગાહી કરવામાં આવી છે. આગામી 5 દિવસ માછીમારોને દરિયો ન ખેડવાની સૂચના આપવામાં આવી છે. હાલમાં 2 વરસાદી સિસ્ટમના કારણે વરસાદી માહોલ જોવા મળી રહ્યો છે.

Damodar Kund: શહેર અને જિલ્લામાં સવારથી વરસાદી માહોલ જામ્યો છે. ભારે વરસાદથી કાળવા નદીમાં ઘોડાપૂર આવ્યું છે. શહેરની મધ્યમાંથી પસાર થતી નદી બે કાંઠે વહી રહી છે. શહેરના એમ જી રોડ, દોલતપરા, મધુરમમાં વરસાદ પડ્યો છે. ગિરનાર પર્વત ધોધમાર વરસાદ પડતા દામોદર કુંડમાં ઘોડાપૂર આવ્યું છે. ગિરનાર પર 2 કલાકમાં 3 ઇંચ વરસાદ ખાબક્યો છે. કુંડમાં જવા પર તંત્ર દ્વારા પ્રતિબંધ લગાવાયો છે.

Gujarat Rain Forecast: આગામી દિવસોમાં મુશળધાર વરસાદ વિરામ લે તેવી શક્યતા છે. હવામાન વિભાગના જણાવ્યા અનુસાર 24 ઓગસ્ટ સુધી રાજ્યમાં ભારે વરસાદ યથાવત રહેશે. 27 ઓગસ્ટથી લઈને 31 ઓગસ્ટ સુધી રાજ્યમાં ધોધમારનો બીજો એક રાઉન્ડ આવી શકે છે. આગામી દિવસોમાં રાજ્યમાં મુશળધાર વરસાદની આગાહી કરવામાં આવી છે. સૌરાષ્ટ્રથી લઈને દક્ષિણ ગુજરાત અને મધ્ય ગુજરાતથી લઈને ઉત્તર ગુજરાતમાં મુશળધાર મહેર જોવા મળશે.

ગુજરાતમાં હાલ બે વરસાદી સિસ્ટમના કારણે વરસાદની આગાહી

રાજ્યમાં હાલ બે વરસાદી સિસ્ટમ સક્રિય હોવાના કારણે વરસાદની આગાહી કરવામાં આવી છે, 40થી 50 કિમીની ઝડપે પવન ફૂંકાવાની પણ શકયતાઓ રહેલી છે, મોન્સૂન ટ્રફ, અપર એર સાયક્લોનિક સર્ક્યુલેશન સિસ્ટમ સક્રિય હોવાની વાત સામે આવી છે, તો વરસાદને લઈ સાબરકાંઠા, નવસારીમાં અતિભારે વરસાદનું ઓરેન્જ એલર્ટ આપવામાં આવ્યું છે, વલસાડ, દમણમાં અતિભારે વરસાદનું ઓરેન્જ એલર્ટ અને દાદરાનગર હવેલીમાં અતિભારે વરસાદનું ઓરેન્જ એલર્ટ આપવામાં આવ્યું છે.

English summary

Junagadh: 3 inches of rain fell on Girnar in 2 hours, flood in Kalwa river