Lok Sabha Election 2024: ભાજપ ઉમેદવાર માધવી લતા સામે કેસ નોંધાયો, જાણો આરોપ

Updated: Monday, May 13, 2024, 15:34 [IST]

Lok Sabha Election 2024: તેલંગાણાની હૈદરાબાદ લોકસભા ચૂંટણી લડી રહેલી ભારતીય જનતા પાર્ટી માધવી લતા પર એફઆઇઆર દાખલ કરવામાં આવી છે. મલકપેટ પોલીસ સ્ટેશનમાં આ કેસ આઇપીસીની કલમ 171 સી, 186, 505(1)(સી) અને લોક પ્રતિનિધિત્વ અધિનિયમની ધારા 132 અંતર્ગત કેસ દાખલ કરવામાં આવ્યો છે.

વાસ્તવમાં માધવી લતાનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં તે મતદાન કરવા માટે મતદાન મથક પર બેઠેલી મહિલાઓના વોટર આઈડી ચેક કરતી જોવા મળી રહી છે.

આ દરમિયાન માધવી લતા મહિલાઓને તેમના બુરખા ઉતારવા માટે પણ મજબૂર કરી રહી છે. આ વીડિયો હૈદરાબાદના જૂના શહેરના એક પોલિંગ બૂથનો હોવાનું કહેવાય છે. જોકે, OneIndia આ વાયરલ વીડિયોની પુષ્ટિ કરતું નથી.

વાયરલ વીડિયો અંગે ભાજપના ઉમેદવારે પણ સફાઈ આપી છે. તેમણે ન્યૂઝ એજન્સી ANIને કહ્યું કે, હું એક ઉમેદવાર છું અને કાયદા અનુસાર, મને મારા વિસ્તારના મતદારોના મતદાર આઈડી કાર્ડ જોવાનો અને તેમને ચહેરાના માસ્ક વિના જોવાનો અધિકાર છે. હું એક પુરૂષ નથી, પરંતુ એક મહિલા છું. મહિલાએ ખૂબ જ નમ્રતાથી તેમને કહ્યું કે, શું હું તમને આઈડી કાર્ડ સાથે જોઈ શકું છું, જો કોઈ આ ઘટનાને મોટો મુદ્દો બનાવવા માંગે છે, તો તેનો સ્પષ્ટ અર્થ છે કે તેઓ ડરી ગયા છે.

આજે 13 મેના રોજ લોકસભા ચૂંટણીના ચોથા તબક્કામાં 10 રાજ્યોની 96 બેઠકો પર મતદાન થઈ રહ્યું છે. જેમાં હૈદરાબાદની મહત્વની બેઠકો પર પણ મતદાન થઈ રહ્યું છે. અહીંથી ભાજપે માધવી લતાને મેદાનમાં ઉતાર્યા છે.

આવા સમયે, AIMIM વડા અને વર્તમાન સાંસદ અસદુદ્દીન ઓવૈસી પણ આ બેઠક પરથી ચૂંટણી લડી રહ્યા છે. આ સિવાય જો કોંગ્રેસની વાત કરીએ તો પાર્ટીએ અહીંથી મોહમ્મદ વલીઉલ્લાહ સમીરને પોતાના ઉમેદવાર બનાવ્યા છે.

#WATCH | Telangana: BJP candidate from Hyderabad Lok Sabha constituency, Madhavi Latha visits a polling booth in the constituency. Voting for the fourth phase of #LokSabhaElections2024 is underway. pic.twitter.com/BlsQXRn80C
— ANI (@ANI) May 13, 2024