Jharkhand Election Result 2024: ઝારખંડમાં JMMની બેઠકો વધુ, પણ ભાજપનો વોટ શેર સૌથી વધુ, સમજો ગણીત

Jharkhand Election Result 2024: ઝારખંડની 81 વિધાનસભા બેઠકો માટે મત ગણતરી ચાલી રહી છે. જેએમએમની આગેવાની હેઠળનું ઇન્ડિયા ગઠબંધન 51 બેઠકો સાથે આગળ છે, જ્યારે એનડીએ 29 બેઠકો પર આગળ છે.

બેઠકોની સંખ્યામાં પાછળ હોવા છતાં, જેએમએમના 22.13 ટકાની સરખામણીએ ભાજપ પાસે 32.88 ટકા વધુ વોટ શેર છે. ઈન્ડિયા બ્લોક પાર્ટીઓમાં JMM 31 સીટો પર, કોંગ્રેસ 14 પર, RJD ચાર પર અને CPI (ML) (L) બે સીટો પર આગળ છે.

એનડીએ ગઠબંધન

• ભાજપ- 32.88 ટકા
• AJSU- 3.66 ટકા

ઈન્ડિયા ગઠબંધન

• JMM- 22.13 ટકા
• કોંગ્રેસ- 15.21 ટકા
• આરજેડી- 3.77 ટકા

NOTA - 1.37 ટકા

ઝારખંડમાં ભાજપની હારના કારણો - ભાજપે ઝારખંડમાં આક્રમક ઝુંબેશ શરૂ કરી હતી, અને આરોપ લગાવ્યો હતો કે, ઘૂસણખોરો રાજ્યની વસ્તીને બદલી રહ્યા છે.

ઘુષણખોરો જમીન અને નોકરીઓ કબજે કરી રહ્યા છે, પરંતુ અનુસૂચિત જનજાતિ માટે અનામત બેઠકો ઈન્ડિયા ગઠબંધન સાથે જોવા મળી છે.

ભાજપની ઝુંબેશ ઘૂસણખોરોને કારણે કથિત વસ્તી વિષયક ફેરફારો પર કેન્દ્રિત હતી પરંતુ અનુસૂચિત જનજાતિની અનામત બેઠકો સુરક્ષિત કરવામાં નિષ્ફળ રહી હતી.

ઈન્ડિયા ગઠબંધન આ બેઠકોને મજબૂતીથી પકડી રાખે છે. રાજ્યની વસ્તીમાંથી આદિવાસી મતદારો લગભગ 27 ટકા છે. જેએમએમમાંથી આવેલા ચંપાઈ સોરેનના જોરે જીત મેળવવાનો ભાજપનો પ્રયાસ પણ સફળ થયો ન હતો.

ઝારખંડ લોકતાંત્રિક ક્રાંતિ મોરચાના જયરામ મહતો ડુમરી મતવિસ્તારમાં આગળ છે. વ્યક્તિગત હરીફાઈના સંદર્ભમાં, મીરા મુંડા પોટકામાં 17,000 મતોથી આગળ છે, જ્યારે JMMના અમિત સિલ્લીમાં સુદેશ મહતો સામે 8,000 મતોથી આગળ છે.

મુખ્ય મતવિસ્તારો અને નેતાઓ - હેમંત સોરેન અને બાબુલાલ મરાંડી જેવી VVIP બેઠકો પર નોંધપાત્ર ધ્યાન છે. મુનિયા દેવીએ ગાંડેમાં સીએમ હેમંતની પત્ની કલ્પના સોરેન સામે પડકાર ઉભો કર્યો છે. પરિણામો નક્કી કરશે કે, શું ભાજપ ફરી સત્તા મેળવી શકશે કે જેએમએમ તેનું શાસન ચાલુ રાખશે.

કુલ 81 બેઠકોમાંથી 68 બેઠકો પર મતદાનમાં પુરૂષો કરતાં મહિલા મતદારોએ નોંધપાત્ર ભાગીદારી દર્શાવી છે. આ વલણ રાજકીય પરિણામોને નોંધપાત્ર રીતે પ્રભાવિત કરી શકે છે.

English summary

Jharkhand Election Result 2024: JMM has more seats, but BJP has the highest vote share