સૂર્યને મળવા નીકળ્યુ આદિત્ય એલ-1, ગર્વથી છાતી ફૂલી જાય તેવી એ ક્ષણ...જુઓ Video

Aditya L1 Launching: ઈસરોનું સૌર મિશન આદિત્ય એલ-1 સફળતાપૂર્વક લૉન્ચ કરવામાં આવ્યું છે. હવે તેનો વીડિયો પણ સામે આવ્યો છે. હવે લૉન્ચ થયાના બરાબર 125 દિવસ પછી તે તેના પોઈન્ટ L1 પર પહોંચી જશે. આ બિંદુએ પહોંચ્યા પછી, આદિત્ય-L1 ખૂબ જ મહત્વપૂર્ણ ડેટા મોકલવાનું શરૂ કરશે.

હવે તે ક્ષણનો વીડિયો પણ સામે આવ્યો છે જ્યારે આદિત્ય એલ-1 સૂર્યની યાત્રા પર નીકળ્યુ હતુ. તમને જણાવી દઈએ કે આદિત્ય-એલ1 મિશન ભારતનું પ્રથમ સોલર મિશન છે. આ મિશન દ્વારા ઈસરો સૂર્ય સાથે જોડાયેલા અનેક રહસ્યો પરથી પરદો ઉઠાવવા જઈ રહ્યું છે.

આ મિશન સાથે, સૂર્યના બાહ્ય સ્તરના કોરોના, કોરોનલ માસ ઇજેક્શન (સૂર્યમાં થતા શક્તિશાળી વિસ્ફોટો), પ્રી-ફ્લેર અને ફ્લેર પ્રવૃત્તિઓ અને તેમની લાક્ષણિકતાઓ, સૌર વાવાઝોડાની ઉત્પત્તિ વગેરે જેવા પરિબળોનો અભ્યાસ કરવામાં આવશે. નીચે આદિત્ય L1 લૉન્ચિંગનો અદ્ભુત વીડિઓ જુઓ.

#WATCH | Indian Space Research Organisation (ISRO) launches India's first solar mission, #AdityaL1 from Satish Dhawan Space Centre in Sriharikota, Andhra Pradesh.

Aditya L1 is carrying seven different payloads to have a detailed study of the Sun. pic.twitter.com/Eo5bzQi5SO

— ANI (@ANI) September 2, 2023

વૈજ્ઞાનિકોના મતે આદિત્ય એલ-1 વાહન આગામી પાંચ વર્ષ સુધી દરરોજ 1440 ચિત્રો મોકલશે, જેની મદદથી સૂર્યનો અભ્યાસ સરળ બનશે. વૈજ્ઞાનિકોના મતે ફેબ્રુઆરી મહિનામાં પહેલી તસવીર સામે આવશે.

English summary

ISRO Solar Mission Aditya L-1 launched, Now Watch the amazing video here.