Bypolls 2025 : દિલ્હી વિધાનસભા ચૂંટણી સાથે આ જગ્યાઓએ પેટા ચૂંટણીની જાહેરાત

By Desk

Published: Tuesday, January 7, 2025, 17:09 [IST]

Bypolls Election Date : ભારતીય ચૂંટણી પંચે દિલ્હી વિધાનસભાની તારીખોની જાહેરાત કરી દીધી છે. દિલ્હી સાથે સાથે કેટલાક રાજ્યોની પેટા ચૂંટણી પણ યોજાશે.

મુખ્ય ચૂંટણી કમિશનર રાજીવ કુમારે પ્રેસ કોન્ફરન્સ કરીને દિલ્હી વિધાનસભા ચૂંટણી સાથે સાથે વિવિધ રાજ્યોમાં પેટા ચૂંટણીની જાહેરાત કરી.

દિલ્હીમાં 5 ફેબ્રુઆરીએ વિધાનસભા ચૂંટણી યોજાશે અને 8 ફેબ્રુઆરીએ ચૂંટણીના પરિણામો જાહેર થશે. આ સાથે ઉત્તર પ્રદેશ અને તમિલનાડુમાં પણ પેટાચૂંટણી યોજાશે.

ઉત્તર પ્રદેશની મિલ્કીપુર સીટ અને તમિલનાડુની ઈરોડ સીટ પર પણ પેટાચૂંટણી યોજાવાની છે. આ સીટોની તારીખો પણ મુખ્ય ચૂંટણી કમિશનર દ્વારા જાહેર કરવામાં આવી છે.

જે બેઠકો પર પેટાચૂંટણી યોજાવાની છે ત્યાં 5મી ફેબ્રુઆરીએ મતદાન અને ચૂંટણી પરિણામ 8મી ફેબ્રુઆરીએ જાહેર થશે.

ચૂંટણી પંચ દ્વારા તારીખોની જાહેરાત સાથે જ દિલ્હી વિધાનસભા સહિતની પેટાચૂંટણીની બેઠકો પર ચૂંટણીનું બ્યુગલ વાગી ગયું છે.

ચૂંટણીની તારીખોની જાહેરાતની સાથે જ દિલ્હી વિધાનસભાની ચૂંટણી સહિતની પેટાચૂંટણીઓ યોજાવાની છે. ત્યાં આદર્શ આચારસંહિતા લાગુ થઈ ગઈ છે.

Published On January 7, 2025