જાણો તમારા ઉમેદવારને: દસાડાથી ભાજપના રમણલાલ વોરા

ગુજરાતમાં રાજકીય પક્ષો દ્વારા વિધાનસભાની ચૂંટણીમાં ઉમેદવારોના નામ જાહેર કરવામાં આવ્યા હતા. જેમાં દસાડાની સીટ પરથી ભાજપના રમણલાલ વોરાને ટિકિટ આપવામાં આવી છે. રમણલાલ વોરા વિષે થોડુ જાણીએ.

ગુજરાત વિધાનસભાની ચૂંટણીમાં ભાજપનો દાવો છે કે તે એક એક બેઠક પર પોતાની નજર બનાવીને આ ચૂંટણી લડી રહી છે. વળી વિધાનસભાની સીટ પરના ઉમેદવારોની યાદી અને વિવાદો પણ આ ચૂંટણીને વધારે રસપ્રદ બનાવી રહ્યા છે, ત્યારે 20 નવેમ્બરના ભાજપ દ્વારા ઉમેદવારોની ત્રીજી યાદી બહાર પાડવામાં આવી છે. આ યાદીમાં દસાડા વિધાનસભા સીટ પરના ઉમેદવાર તરીકે રમણલાલ વોરાની પસંદગી કરવામાં આવી છે. તો રમણલાલ વોરા વિષે થોડુ જાણીએ. રમણલાલનો જન્મ 26 સપ્ટેમ્બર, 1952ની રોજ ગાંધીનગર જિલ્લાના કલોલ તાલુકાના ગોવિંદપુરામાં થયો હતો. રમણલાલના પિતાનું નામ ઇશ્વરલાલ વોરા છે અને તેઓએ આઝાદીની લડતમાં પણ ભાગ લીધો હતો.

રમણલાલ વોરા અને તેમની રાજકીય કારકિર્દીની વાત કરવામાં આવે તો તેઓ ઇડર વિધાનસભા પરથી પાંચ વખત ધારાસભ્ય બન્યા છે. તેમણે સૌ પ્રથમ 1995માં વિધાનસભાની ચૂંટણી લડ્યા હતા. એ બાદ તેમની સેવા અને લોકપ્રિયતાના કારણે સતત વિજેતા થતા રહ્યા હતા. આ ઉપરાંત તેઓ વર્ષ 2016માં ગુજરાત વિધાનસભાની સ્પીકર તરીકે પણ સેવા આપી ચુક્યા છે. myneta. in પરથી મળતી માહિતી અનુસાર રમણલાલ વોરાએ બી.એ સુધીનો અભ્યાસ કર્યો છે. તેમની પત્નીનું નામ કુસમાબેન છે. તેમને બે પુત્ર અને બે પુત્રી છે. 2012ની ચૂંટણીમાં તેમણે પોતાના વ્યવસાય વિશે જણાવ્યુ હતુ કે, તેઓ રિટાયર્ડ બેંક કર્મચારી અને સામાજિક કાર્યકર છે. તેમની સંપત્તિ વિશે વાત કરવામાં આવે તો તે લગભગ એક કરોડ જેટલી છે. તેમના પર કોઈ પણ ગુનાહિત કેસ નથી નોંધાયો.

English summary

ramanlal vora bjp candidate from dasada assembly seat. Read More detail here.