ચક્રવાત બિપરજોયમાં અસરગ્રસ્તોને ગુજરાત સરકાર આપશે સહાય, જાણો કોને મળશે રોકડ રકમ?

બિપોરજોય વાવાઝોડામાં કચ્છ અને સૌરાષ્ટ્રમાં ઘણા લોકોને ગંભીર અસર થઈ છે. ઘણા લોકોને પોતાના ઘર અને સંપત્તિ છોડીને બીજે સ્થળાંતરીત થઈ ગયા છે. આવા તમામ લોકો માટે એક રાહતનાં સમયચાર છે. અસરગ્રસ્ત વિસ્તારમાં સ્થળાંતર કરાયેલ અસરગ્રસ્તોને કેશડોલ્સ ચુકવવાનો સરકારે મહત્વપૂર્ણ નિર્ણય લીધો છે.

ગુજરાત સરકાર દ્વારા જાહેરાત કરવામાં આવી છે કે વાવાઝોડાનાં કારણે સ્થળાંતર કરાયેલ પુખ્ત વયની વ્યક્તિને્ પ્રતિદિન 100 રૂપિયા અને બાળકોને પ્રતિદિન 60 રૂપિયા ચુકવવાનો હિતકારી નિર્ણય લેવાયો છે. નોંધવા યોગ્ય બાબત એ છે કે મહત્તમ 5 દિવસની મર્યાદામાં કેશ ડોલ્સની ચુકવણી કરવામાં આવશે.

પરિપત્રમાં જણાવવામાં આવ્યું છે કે, બિપોરજોય વાવાઝોડા દરમ્યાન બીજે સ્થળાંતરીત કરાવવામાં આવેલ હોય તેવા વ્યક્તિઓને તેઓની દૈનિક જરૂરીયાતો ધ્યાનમાં રાખીને મહત્તમ 5 દિવસ માટે એક ચોક્કસ રકમ આપવામાં આવશે જેમાં પૂખ્ત વયની વ્યક્તિ માટે રોજનાં રૂ 100 અને બાળકદીઠ રૂ. 60 પ્રતિદિનની સહાય રોકડ ચુકવવાનો ઠરાવ કરવામાં આવ્યો છે. આ રીતે પુખ્ત વયનાં લોકોને મહત્તમ 500 અને બાળકોને 300 રૂપિયા આપવામાં આવશે.

રાજ્યપાલનાં હુકમથી કરવામાં આવેલ પરિપત્રમાં જણાવવામાં આવ્યું છે કે, કુદરતી આપત્તિઓના કારણે અસરગ્રસ્તોને દૈનિક રોકડ સહાય (કેસડોલ)ની સહાય ચુકવવા માટેના ધોરણો રજૂ કર્યો છે. આ દિવસોમાં SDRF/NDRF દ્વારા આપવામાં આવતી તમામ સહાય લાભાર્થીનાં બેન્ક આકાઉન્ટમાં જમા કારવવાની હોય છે. પરંતુ હાલનાં સંજોગોમાં બેન્કિંગ સુવિધાઓ પણ બંધ હોવાથી આ નિર્ણય લેવામાં આવ્યો છે.

આ ઠરાવ મુજબ વહીવટી તંત્ર દ્વારા બિપરજોય વાવાઝોડાથી અસરગ્રસ્ત વિસ્તારના રહીશોને અગમચેતીના ભાગરૂપે સુરક્ષિત જગ્યાએ સ્થળાંતર કરવામાં આવેલ છે. વહીવટીતંત્ર દ્વારા આવા સ્થળાંતર પામેલા અસરગ્રસ્ત વિસ્તારના વ્યક્તિઓને રોજબરોજ જીવન જરૂરિયાતની ચીજવસ્તુ મેળવવા માટે મુશ્કેલી નિવારવા રોકડ રકમની સહાય ચુકવવાની જરૂરિયાત ઉદ્ભવતા મહેસુલ વિભાગના ઠરાવથી સહાયની રકમ ચુકવવાની થાય છે.

English summary

Gujarat government will provide financial assistance to those affected by Cyclone Biparjoy, know who will get compensation?