કેબિનેટ મંત્રી મુળુભાઇ બેરાએ તાલુકા સંકલન સહ ફરિયાદ સમિતીની બેઠક યોજી

Published: Saturday, February 3, 2024, 16:21 [IST]

Cabinet Minister Muloobhai Bera: પ્રવાસન, સાંસ્કૃતિક પ્રવૃત્તિઓ , વન અને પર્યાવરણ અને કલાઇમેન્ટ ચેન્જ વિભાગના કેબિનેટ મંત્રીશ્રી મુળુભાઇ બેરાના અધ્યક્ષસ્થાને ભાણવડ તાલુકા પંચાયત કચેરી ખાતે તાલુકા સંકલન સહ ફરિયાદ સમિતીની બેઠક યોજાઇ હતી.

કેબિનેટ મંત્રી મુળુભાઇ બેરાના અધ્યક્ષ સ્થાને મળેલી બેઠકમાં પ્રદૂષણ અટકાવવા, સ્વચ્છતા જાળવવા, સિંચાઇ, પાણી પુરવઠો, માર્ગ વિભાગ, આરોગ્ય, વીજ વિભાગ સહિતના વિવિધ વિભાગોના પ્રશ્નોની ચર્ચા કરી જરૂરી માર્ગદર્શન પૂરું પાડવામાં આવ્યું હતું.

કેબિનેટ મંત્રી મુળુભાઇ બેરાએ ઊપસ્થિત સૌ અધિકારીઓને નાગરિકોના પ્રશ્નોના તાકીદે નિરાકરણ લાવવા જરૂરી માર્ગદર્શન પૂરું પાડ્યું હતું. સાથે પ્રગતિ હેઠળના કામો વહેલી તકે પૂર્ણ કરવા તાકીદ કરી હતી.

આ બેઠકમાં પ્રાંત અધિકારી કે. કે. કરામટા, તાલુકા વિકાસ અધિકારી નવીન બૈડીયાવદરા, સહિત પદાધિકારીઓ, અધિકારીઓ સહિત અમલીકરણ અધિકારીઓ હાજર રહ્યા હતા.

Published On February 3, 2024