PPFમાં રોકાણ કરતા પહેલા આ 5 ગેરલાભ અવશ્ય ગણતરીમાં લો

Updated: Friday, October 17, 2014, 10:47 [IST]

પબ્લિક પ્રોવિડન્ડ ફંડ કે પીપીએફ (PPF) ભારતમા રોકાણનું સૌથી લોકપ્રિય સાધન છે. આ પાછળનું મુખ્ય કારણ એ છે કે તે સૌથી વધારે કર બચત કરે છે. તે આપને ઇન્કમ ટેક્સ એક્ટની કલમ 80C હેઠળ કર બચત કરાવે છે. આ ઉપરાંત તેનું વ્યાજ પણ કરમુક્ત છે. આમ છતાં પીપીએફના કેટલાક ગેરલાભ છે. તે જાણવા જરૂરી છે.

રોકાણકારોએ પીપીએફમાં રોકાણ કરતા પહેલા આ ગેરલાભ જાણ્યા બાદ રોકાણ કરવાનો નિર્ણય લેવો જોઇએ...

7 વર્ષ સુધી ઉપાડ નહીં

પીપીએફમાં આપના નાણાની તરલતા રહેતી નથી. કારણ કે આપ સાત વર્ષ પૂરા ના થાય ત્યાં સુધી પીપીએફની રકમ ઉપાડી શકતા નથી. આ તેનો સૌથી મોટો ગેરલાભ છે. બીજી મહત્વની બાબત એ છે કે સાત વર્ષ પૂરા થયા બાદ પણ આપ કુલ રોકાણની માત્ર 50 ટકા રકમ ઉપાડી શકો છો. પીપીએફ પર 3 વર્ષ બાદ લોન મળી શકે છે. જો આપની પાસે મોટી રકમ પડી રહી હોય ત્યારે તેમાં રોકાણ કરવું જોઇએ.

PPFમાં HUF અને ટ્રસ્ટ રોકાણ કરી શકતા નથી

પહેલાના સમયમાં પીપીએફમાં હિન્દુ સંયુક્ત કુટુંબ અને ટ્રસ્ટ રોકાણ કરી શકતા હતા. હવે આ સુવિધા પાછી ખેંચી લેવામાં આવી છે. આ કારણે HUFs અને ટ્રસ્ટોએ રોકાણ માટે અન્ય વિકલ્પ શોધવા પડે છે.

પીપીએફમાં જોઇન્ટ એકાઉન્ટ માન્ય નહીં

પીપીએફમાં જોઇન્ટ એકાઉન્ટ માન્ય નથી. સિવાય કે આપ માઇનર સાથે એકાઉન્ટ ખોલાવો. જો કે તેમાં નોમિનેશનની સુવિધાઓ છે. લાંબા ગાળાનું રોકાણ હોવાને પગલે તેમાં નોમિનેશલ હોવું જરૂરી છે.